لا يمكنك النسخ من الموقع ، بامكانك مشاركة الخبر ..
الطبخ امومه و طفوله صحة ورشاقة

مع الاستعداد للمدارس طريقه عمل جبن كريمي من الجبنة القريش

شيف وليد عامر يقدم لكم طريقة عمل جبن كريمي  من الجبن القريش

نادي الذواقة المصرى  EGC

المدارس قربت

هنرجع تانى لعمل للسندويتشات للاولاد كل يوم وطبعا اهم حاجه لسندويتشات المدرسه الجبنه بأنواعها لأن فيها نسبه بروتين عاليه ودا بيدى لما نحط معاها قطع الخضار احساس بالشبع لاولادنا 🤓🤓

لكن هى الاجبان فى السوق كلها مفيده 🤔 بكل أسف لاء

صناعه الاجبان بتتكلف  لان كيلو الجبنه الرومى عايز ١٠ لتر لبن وكيلو الجبنه البيضاء عايز ٤ لتر لبن لتصنيعه ودا خلى الشركات تخلط الاجبان بمكونات نشويه ودهون وزيوت نباتيه مهدرجه ضاره عشان تقدر تقلل الاسعار  والمشكله كمان أن فيه اجبان مفيش فيها لبن خالص وبتكون أسعارها رخيصه لكن ضررها اكبر ⁦☹️⁩⁦☹️⁩

وطيب ازاى نشترى الجبنه كويسه ومفيده 🤔

*⁦ نشترى جبنه من اماكن مضمونه

* نختار أنواع معروفه اللى مكتوب عليها بيانات الشركه المصنعه والمكونات وتاريخ الصلاحيه

* ناخد بالنا من مكونات الجبنه مكتوبه على العلبه ونبعد عن الاجبان اللى بيكون فيها زيوت مهدرجه أو زيوت نباتيه رخيصه غير صحيه و فى الغالب بيكون نسبه اللبن قليله أو مفيش فيها لبن خالص

* الاجبان القابله للدهن والكريمى وخصوصا الأنواع غير المعروفه واللى بتتباع بالوزن باسعار رخيصه أغلبها بتعمل من زيوت نباتيه رخيصه ومواد نشويه غير صحيه وضاره

* الجبنه الرومى مفيده لأنها بتحتوى على بكتيريا مفيده وهى اللى بتديها الطعم الحلو بس تكون مصنعه فى اماكن صحيه نظيفه ومكونات طبيعيه ونبعد عن الأنواع القديمه منها (البطارخ) لان نسبه البكتريا فيها بتكون عاليه

* طبعا انواع الاجبان المستورده الطبيعيه زى الفلمنك والشيدر والامنتال والريكفورد واللبنه التركي دى انواع ممتازه وصحيه بس سعرها غالى

* الشركات اللى بتصنع جبنه بانواعها من مكونات طبيعيه فى السوق فى مصر قليله ومعروفه
وبرضه تعتبر اسعارها مرتفعه
مقارنه بالانواع المصنعه من الدهون النباتيه

* ونيجى فى الاخر لكنز الاجبان الجبنه القريش اللى كلها فوائد ومفيش فيها دهون ونسبه املاح قليله وسعرها على قد الايد وممكن نقدمها بطرق مختلفه لاولادنا تخليهم يحبوها ونعمل منها سندويتشات لذيذه بتحويلها لقوام كريمى بضرب نص كيلو جبنه قريش فى الخلاط مع معلقتين كبار قشطه وش اللبن و٥ معالق كبيره لبن ورشه ملح ثم نضيف لهم ٥ معالق كبيره زيت عباد زيت السرسوب لحد ما تعمل قوام كريمى معانا وممكن اضافه قطع الفلفل الاخضر او الألوان لها أو الزعتر أو الشطه أو شرائح الزيتون او اى اضافات تانيه نحبها.

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *