لا يمكنك النسخ من الموقع ، بامكانك مشاركة الخبر ..
امومه و طفوله صحة ورشاقة

معلومات تفيد صحة طفلك عن الديدان الدبوسية

 

معلومات مهمة عن الديدان الدبوسية من دكتور جيمي كيدز

قبل مابدأ لازم نعرف ٣ معلومات
1️⃣العلاج مش بيجيب نتيجة مع الديدان النونو ولا البيض بتاع الديدان
2️⃣الديدان بتتنقل من المريض لنفسه ومن المريض لكل اللى حواليه اساس نقلها عن طريق البراز ..طفل ايده مش نضيفة او بيحط ايده فى .. او كل ماتتخيل باى طريقة ينقل بيها الدودة او بيضتها من ورا لفم اى حد تانى..
3️⃣تحليل البراز غالبا بيجى مافيهوش براز فمانعتمدش عليه فى التشخيص .. ممكن نعمل حاجة اسمها مسحة لفتحة الشرج..

طيب لو عند طفلك الاعراض دى لازم تشكى وتجيبى ابوه يشك معاكى وتخلى الدكتور يشك هو كمان ونبتدى العلاج

#هرش من ورا وخاصة بالليل وبعض الاطفال مش بتعرف تعبر فبنلاقيهم مش عافين يناموا من غير سبب ..
الهرش فى البنات ممكن يبقى من قدام (منطقة الأعضاء التناسلية )
انيميا نقص حديد مش لاقيين ليها تفسير (طبعا بكل اعراض الانيميا من سهولة الاجهاد وضعف للشهية وهبوط مع المجهود وزغللة عين قلة تركيز فى البيت والمدرسة )
ألام فى البطن بس سبحان الله ده عرض مش مشهور قوى تخيلوا …

دى الاعراض العامة

نعالج ازاى ركزوا معايا

هو وكل اللى فى البيت وياريت كل العيال اللى معاه فى الفصل فى المدرسة لو عندهم ديديدان يتعالجوا فى نفس الوقت هم(( واهاليهم كمان لو اكتر من تلت الفصل عنده ديدان )) ((((((مهم جدا جدا جدا )))))

ميبيندازول اقراص او شراب لكل المرضى اللى فوق سنتين لحد مايعجزوا ياخدوا ١٠٠ مجم (قرص واحد او ٥ مل شراب ) مرة واحدة تكرر بعد اسبوعين ..
ممكن نستخدم البيندازول بس بجرعة مختلفة …

طيب ده بس؟…. لا والله
فيه كام حاجة اهم ومن غيرها العلاج مش هيكون مؤثر
👌غسيل ايد قبل الاكل وبعد الحمام مهم جدا
👌عادة مص الصوابع من الاسباب الرئيسية فى بقاء الديدان نتصرف بقى ونوقفها .. (فيه بوست على الصفحة عملته عن مص الصوابع دوروا عليه اجتهدوا شوية وشيروه

ممكن بعض الاطفال اللى الديدان مش بتروح منهم بسهولة نظبط معاهم كذا نقطة:
**ياخدوا شاور كل يوم صباحا وننظف من ورا كويس جدا بميه وصابون او شاور جل عادى ده بيشيل بيض الديدان ..

**نغسل الملايات والغيارات الداخلية للطفل المصاب مع بعض..

 

ملحوظة
*بالنسبة للحامل التاثيرات مش واضحة نستخدمه بحذر بعد استشارة طبيب النسا والاطفال

*للمرضعات ممكن نستخدمه باذن الله تاثيراته السلبية ماتمش رصدها .

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *