لا يمكنك النسخ من الموقع ، بامكانك مشاركة الخبر ..
الطبخ امومه و طفوله

طريقة عمل العيش الكيزر البيتي

 لكي تحصلين على خبز صحي وامن لاولادك   يقدم لك شيف وليد عامر طريقة عمله    اهم حاجه فى سندوتشات المدرسه العيش 🥖  🍞🍔 ولو جبنه أو مربى او لحمه بارده 

دورت كتير على العيش الكيزر اللى بتحس وانت بتاكله أنه كله طعم وطرى مش كأنك بتاكل حاجه ملهاش طعم كلها سكر ومحسنات عجين وزيوت نباتيه مهدرجه رخيصه ومضره🙄🙄

عملت العيش الكيزر بيتى رائع وطعمه تحفه جدا ويتاكل لوحده من جماله

مش عايز اقول لكم على الريحه وهو بيتخبز ولا الطعم حكايه

اعملوه لاولادكم ولكم وهتحسوا بالفرق فى الطعم والجوده لما تجربوه

طريقه العيش الكيزر سهله وهى
نخلط المقادير بمضرب يدوى دى وتكون بدرجه حراره الغرفه كوب لبن دافى/ بيضه/معلقه اكل زبادى أو لبن بودره/ معلقه كبيره خميره فوريه/٢ معلقه سكر/نص معلقه بيكنج باودر صغيره/ معلقتين كبار زيت ثم نضيف الدقيق شويه بشويه وبعد تانى كوب بنضيف معلقه اكل زبده ورشه ملح وانا اخد منى ٣ ونص كوب دقيق وممكن مقدار الدقيق يزيد او ينقص حتى اكتفاء العجين (المقصود باكتفاء العجين أنه يلم معانا لان انواع الدقيق بتختلف فى مقدار الميه المناسب لها ويكون فيه تلزيقه بسيطه ويكون ناعم ومع العجن الكتير التلزيقه دى بتقل وتصبح طريه وهشه معانا )ولازم نعجنها مش اقل من ١٠ دقايق ونغطيها فى مكان دافى لحد ما تخمر ثم نكورها ونحطها على صينيه خبر عليها ورق زبده نخليها ساعه تانى تخمر كمان مره وندهنها لبن ورشه سمسم وندخلها فرن ساخن ٢٠ دقيقه على اعلى حاجه لحد ما تستوى وتعلى والوش ياخد لون دهبى

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *